Sunday, November 17, 2013

ஒவ்வொரு நாளும் புதிதாய்ப் பிறப்போம்

17.11.2011 அன்று புதுக்கோட்டை  ஆக்ஸ்போர்டு சமையல் கலைக் கல்லூரியில் நடந்த             த மு எ க ச திருக்கோகர்ணம் கிளைக் கூட்டத்தில் பாவலர் பொன்.க . எழுதி இசைத்துப்                                                                                           பாடிய பாடல்.

ஓடுகிற ஓடைநீரைப் போல மனசு இருக்கணும்
ஒவ்வொரு நாளு விடியும் போதும் புதுசு புதுசாப் பொறக்கணும் -நாம                                               புதுசு புதுசாப் பொறக்கணும்                                                                                                  -- ஓடுகிற 

தேங்கிக் கெடக்கும் குட்டைநீரில்  தீங்குசெய்யும்   புழுக்கள்    நெளியும்
தேக்கி     வைக்கும்  துயரம்நெஞ்சில்  தேடலுக்குத் தடையா  அமையும்
தென்றல் நம்மைத்  தீண்டுமுன்னே  சூறாவளிக்  காற்றாய்த்  தோன்றும்
தேவையற்ற  சுமையை  நீக்கத் தேன்மலரின்  இதழ்கள்  விரியும்                     -- ஓடுகிற

வெம்மை   குளிரக்    கருமேகம்        மண்ணில்   மழையைப்        பொழியுது
வெடிச்சுச் செதறும்  மகரந்தந்தான்  வெளைச்சல்  பெருக்கித்  தருகுது
வெந்தனலாய்க்  கவலை  தேங்க      மனசில்         மகிழ்ச்சி             கருகுது
வெளியேறும்  வேர்வைத்  துளியே வியக்கு ம் உழைப்பைப்  பெருக்குது    -- ஓடுகிற

அழுத்தம்  நெறைஞ்ச  எடந்தனிலே  வெடிக்கும்  நிகழ்வு      இயற்கையே 
அரும்பும்  இடரைக்     கடப்பதிலே    ஆற்றல்  பெருகும்          நெறையவே                                         ஆற்றாத   சோகம்      ஆழியும்             அடுத்து    சுமையைப்       பகிரவே
ஆறுதலை ஏற்கும்      நெஞ்சில்            அமைதி    தவழும்           நெடுகவே          -- ஓடுகிற 

3 comments:

Rathinam Padmanaban said...

வணக்கம். பாடல் அருமை.
முடிந்தால் வீடியோ-வையும் பகிருங்கள்.

அ. பாண்டியன் said...

அய்யாவிற்கு வணக்கம்..
பாடல் மிக அருமை. கேட்கும் வாய்ப்பு தவிர்க்க முடியாத காரணத்தால் நழுவிப்போனது. மற்றொரு நிகழ்ச்சியில் கலந்து கொள்ள ஆர்வமுடன் காத்திருக்கிறேன். பகிர்வுக்கு நன்றீங்க அய்யா.

Mathu S said...

அருமை அய்யா ...

Post a Comment